Mga mag-aaral sa High School



Ang HandWallet ay ginagamit ng maraming mag-aaral sa sekondarya na pinapamahalaan ang sarili nilang "pocket money" o may mga side hustle sa kanilang mga bakanteng oras. Ang mga mag-aaral na nag-download at gumamit sa programang ito ay lubos na nasisiyahan sa malinaw at madaling gamitin na interface at sa mga opyson para sa introduksyon ng mga personal na kategorya.

Mga estudyante sa Unibersidad



Ang HandWallet na software ay labis na sikat sa mga mag-aaral na kailangang pamahalaan ang kanilang mga "limitadong" badyet at kailangang panatilihin ang istriktong pangangasiwa sa kanilang mga kita at gastos. Libu-libong estudyante sa buong mundo ang nag-download na ng HandWallet at regular na naglalagay dito ng datos. Nakatatanggap kami ng maraming liham at mga referral buwan-buwan mula sa mga mag-aaral na humihiling ng mga espesyal na pagbabago at pagdagdag ng mga katangian na akma para sa istilo ng pamumuhay ng isang estudyante —magkasamang panunuluyan sa iisang bubong, pamamahagi ng mga pagbayad para sa mga bayarin sa Unibersidad, mga iskolarsip, mga diskwento, atbp.

Mga pamilya

Ang pangangailangang mag-ipon at matalinong pamamahala sa aspeto ng pananalapi ng isang pamilya ay mas mahalaga na ngayon kaysa dati. Nagiging klaro na ang pagplaplano sa aspeto ng pananalapi ng karaniwang pamilya ay kumplikado at hindi gaanong naiiba sa pamamahala ng isang negosyo: ang isang pamilya ay may permanente at manaka-nakang mga gastos para sa iba't ibang mga bagay at may permanente at paminsan-minsang mga kita mula sa iba't ibang mga mapagkukunan. Lalong nagiging kumplikado ang mga bagay dahil ang karamihan sa mga pamilya ay may hawak na maraming bank account at iilang mga credit card, at ang mga kita at gastos ay nanggagaling mula sa lahat ng miyembro ng pamilya. Libu-libong pamilya na ang pumili sa HandWallet bilang isang mahalagang programa para sa pamamahala ng kanilang pananalapi. Pagkatapos lamang ng maikling panahon ng paggamit, maraming indibidwal na ang nag-ulat na mas napabuti nila ang kanilang istilo sa pamamahala sa pananalapi, nagkaroon ng mas mahusay na kontrol sa kanilang mga bank account, nakatuklas ng mga maling transaksyon sa kanilang mga debit, at hindi na nagugulat nang husto sa araw ng pag-debit ng kanilang mga credit card. Nagagawa na nilang maiwasan o bawasan ang mga overdraft at may mas mahusay ng kakayahan sa pagtutok sa mga bagay na "nakakaubos" ng badyet.

Mga manlalakbay at mga nananatili sa ibang bansa



Ang HandWallet Pro ay napakahalagang kasangkapan para sa mga manlalakbay at sa mga nakatira sa ibang bansa. Gamit ang HandWallet, malalaman mo anumang oras kung magkano na ang kabuuan ng nagastos mo sa tirahan, pagkain, o entrance fee sa mga pasyalan, kahit lumilipat ka mula sa isang bansa papunta sa iba. Makikita mo ang lahat ng iyong gastos sa piso, nang hindi na iniisip ang exchange rate at hindi na kailangang tandaan kung magkano ang palitan sa bawat bahagi ng biyahe. Kung marami kayong magkakasamang bumibiyahe, magagawa ang hatian ng gastos ng bawat isa sa tulong ng HandWallet Pro.

Mga manggagawang self-employed at may-ari ng maliliit na negosyo

Para sa mga self-employed at may-ari ng maliliit na negosyo, maraming gamit ang HandWallet - mula sa pagsubaybay sa isang partikular na gawain ng negosyo hanggang sa buong pamamahala ng gastos at kita. Gamit ang HandWallet, malalaman mo anumang oras kung magkano nabili o naibenta ang isang paninda noon, at kanino. Maaari mong ihambing ang mga presyong nasa iba't ibang currency at piliin ang pinakasulit kapag may iba't ibang mapagbibilhan ng paninda. Malalaman mo nang maaga ang inaasahang cash flow at, batay rito, maaari mong planuhin ang mga bayaring ipagpapaliban. Ipinapakita ng HandWallet ang mga pangunahing pinagkukunan ng kita at pinupuntahan ng gastos sa isang partikular na panahon. Ipinapakita ng HandWallet kung kailan sulit maglipat ng pera sa pagitan ng mga bank account, kung kailan mas mainam umutang, at kung paano ito iiskedyul. Maaari mong subukan ang iba't ibang parameter ng bawat transaksyon, gaya ng interes, bilang ng hulog, porsyento ng indexation, at iba pa, para mahanap ang pinakamagandang paraan ng pagbayad. Pinakamahalaga sa lahat: ang datos ng negosyo na pinili mong itala ay kasama mo saan ka man pumunta, sa iyong device - sa opisina, sa bahay, sa negosasyon sa isang importer, at kapag nasa ibang bansa ka para tumingin ng mga bagong produkto.

Mga malalaking kompanya

Ang HandWallet Business ay kumpletong solusyon para sa kinatawan ng kumpanya na nasa business trip sa ibang bansa. Lubos na pinapadali ng HandWallet ang paggawa ng travel report para sa buwis: itinatala ng manlalakbay ang lahat ng gastos habang nangyayari ito, nakahati sa tamang mga kategorya at ayon sa mga patakarang itinakda na. Alam niya anumang oras kung magkano na ang nagastos niya at saan, at maaari niyang i-update ang computer o ang accountant ng kumpanya habang nasa biyahe. Ang HandWallet Business ay may lahat ng pakinabang ng ibang bersyon, at bukod dito ay maaari kang magtala ng numero ng resibo o awtorisasyon, invoice, at porsyento ng VAT (kung mayroon) para sa bawat transaksyon. Ang kinatawan ng kumpanya na may HandWallet ay makapagtatala ng gastos sa ibang currency habang nasa ibang bansa at makikita ang halaga nito sa dolyar o euro! Bukod dito, makikita niya sa lokal na pera ang mga gastos at kitang ginawa sa dolyar o euro, kaya madali niyang maihahambing ang mga presyo.